Захирлын мэндчилгээ

Харилцаа холбооны ууган оператор Монголын Цахилгаан Холбоо компани

Монголын Цахилгаан Холбоо ХК-ийн хамт олны нэрийн өмнөөс та бүхэнд энэ өдрийн амар амгаланг эрье.

Дэлхийн улс орнуудын цахилгаан холбооны технологийн хөгжилтэй мөр зэрэгцэн, хэрэглэгчдэд өндөр чанартай, бүх нийтийг хамарсан харилцаа холбооны үйлчилгээ үзүүлэх, нийт улс орныхоо эрх ашгийг хамгаалах, тэдгээрт ногдох үр ашгийг дээшлүүлэн, нийт хэрэглэгчид, ажилтан албан хаагчид нэгэн зэрэг хөгжин урагшлах нь бидний эрхэм зорилго юм.

Харилцаа холбооны салбарын ууган компани болох “Монголын Цахилгаан Холбоо” ХК нь 1995 оны 8 дугаар сарын 30-нд байгуулагдсан бөгөөд улсын хэмжээнд цахилгаан холбооны үйлчилгээ эрхлэн явуулдаг. Өдгөө Монгол улсын хэмжээнд 21 аймаг 330 суманд интернэт, суурин утас, олон улсын яриа болон кабелийн телевизийн үйлчилгээ болон лавлах үйлчилгээг хүргэж байна. Ирэх жилийг манай хамт олон их шинэчлэл, онцгой хариуцлагын жил болгосон учраас энэ онд тавьсан зорилт, төслүүдээ бүрэн хэрэгжүүлэхийн төлөө чармайн ажиллах болно.

Манай компанийн цахим хуудсанд зочилсон танд дахин талархал илэрхийлье. Манай үүд хаалга та бүхэнд үргэлж нээлттэй байх бөгөөд бид та бүхэнтэй хамтран ажиллахдаа хэзээд бэлэн гэдгийг хэлэхэд таатай байна.

Таныг хүндэтгэсэн:

“МОНГОЛЫН ЦАХИЛГААН ХОЛБОО” ХК-ИЙН ГҮЙЦЭТГЭХ ЗАХИРАЛ

М.Алтан-Очир